قبل انتشار القنوات الفضائيه بالقدر الكبير اللى موجود الايام ديه كانت الناس
بتابع القنوات الارضيه المصريه الاولى والثانيه وطبعا القنوات ديه غرست فينا
حب الافلام والمسلسلات والبرامج وكنا بنعرف منها كل الاخبار والاحداث الفنيه
والسياسيه وكمان الاقتصاديه والرياضيه وغيرها كتير كمان ولحد دلوقت القنوات
ديه بتسيطر على قلوبنا وبتفكرنا باجمل ايام حياتنا وبرامجنا المميزه منها عالم
الحيوان وبرامج الاطفال وفيلم يوم الجمعه اللى كنا بنستناه ومننكرش ان القنوات
ديه غرست فينا قيم حلوه كتير وعلمتنا كمان حاجات كتيره ومميزه وعلشان كده ليها
معانا احلى الذكريات يعود تاسيس قناة التانيه المصريه عام 1961 وده كان بعد تاسيس
التلفزيون المصرى بسنه واحده بس وكان بيتم بث القناه من اذاعه مبنى التلفزيون المصرى
ماسبيرو ومن بعد ما ابتدت بث القناه وهيا زرعت القيم والاخلاق الراقيه
