طبعا كلنا بنحب البيتى فور وكمان الولاد اكيد بيحبوه جدا وكمان بيكون ليه
اشكال كتير بتعجبنا وخاصة الاولاد وبنكون نفسنا نعمله فى البيت بس
بنخاف يطلع مش حلو زى اللى بنجيبو من بره ودلوقتى هنقدر نعمله زى
بره واحلى اولا المقادير كوبايه ونص دقيق ابيض وربع كوباية سكر بودره
وربع كوباية زبده وتكون سايحه وبيضه واحده وكيس فانيليا وكيس بكينج
بودر ومعلقة كاكاو وحبة مكسرات اللى بتحبيها وبعد كده نجيب حاجه تكون
غويطه ونحط الزبده واضربيها كويس اوى بمضرب البيض وبعد كده حطى السكر
والفانيليا والبيض واضربيهم جامد ونجيب حاجه غويطه تانيه ونحط الدقيق والبيكنج
بودر وبعد كده حطيهم بالتدريج على باقى المكونات وقلبيهم كلهم كويس لحد
ماتكون عجينه متماسكه بعد كده اعمليها كور صغيره وحطيها فى التلاجه ترتاح
وبعد كده طلعيها خدى نصها حطى عليه الكاكاو وسيبى التانى وبعد كده ابدئى
بالتشكيل زى ماتحبى وادهنى صنيه زبده ودخليها الفرن وبعد مايستوى زينيه على راحتك
طريقة تحضير البيتى فور
تحضير بيتى فور
طرق تحضير البيتى فور
