كلنا بنحب الاكل الجميل والشهى اللى يفتح نفسنا ويشبعنا ويفرح الولاد
ومن الاكلات الجميله هيا البيكاتا بالمشروم وهنعرف طريقتها ونعملها فى
البيت المقادير بتاعتها خمس معالق كبيره دقيق وخمس شرايح لحمه
بتلو واربع كوبايات شوربة لحمه وكوبيتين مشروم متقطع ومعلقتين زيت
زيتون ومعلقه صغيره فلفل اسود ومعلقه صغيره ملح وبصله مفرومه
ونص كوبايه كريمه لبانى الطريقه تتبلى شرايح اللحمه بالملح والفلفل
الاسود وتغطيها بالدقيق من كل الجوانب وبعد كده نسخن الزيت جامد
فى الطاسه ونحمر شرايح اللحمه كويس جدا وفى نفس الطاسه نحمر
البصله وبعد كده نحط باقى الدقيق على البصل ونقلبو كويس ونحط عصير
لمون ونحط الشوربه لحد ما تتقل شويه ونضيف شرايح اللحمه والمشروم
لحد ما تغلى ونحط الكريمه اللبانى ونقلب وبعد كده نغطيها ونسبها حوالى
تلت ساعه او لحد ما تتقل معايه شويه وبالهنا والشفا
طريقة البيكاتا بالمشروم
احلى طريقه للبيكاتا بالمشروم
طرق البيكاتا بالمشروم
