كتير من الستات بتبقى عايزة حلويات سهلة وسريعة مثلا عندهم مناسبة مفاجئة
أو عيد ميلاد أو الام مثلا مشغولة ونفسها تعمل حلويات لبيتها ولجوزها لكن الوقت
مبيسمحش ففى كتير من الحلويات تقدر ست البيت تعملها بكل سهولة وبأقل مجهود
وبمكونات بسيطة زى كيكة الجيلى المكونات كوباية ونص دقيق وبيضتين ونص كوباية
زيت ونص كوباية لبن ونص كوباية سكر وملعقة صغيرة بيكنج بودر ورشة ملح وملعقة
خل وفانيليا ومقادير الجيلى اتنين كيس جيلى وكوباية ماية سخنة وكباية ماية باردة
وتلت معالق كبار سكر موز أو فراولة نجيب الخلاط ونحط فيه البيض والفانيليا والسكر
ونضربهم كويس وبعدين نحط الزيت واللبن ونضرب كويس ونحطهم على الدقيق المضاف
له ولو الملح والبيكنج بودر ونضربهم بالمضرب اليدوى ونبطن الصينية بالزيت والدقيق
ونحطها فى الفرن على درجة حرارة متوسطة ونشغل الشواية ساعت م تحمر جوانب
الكيكة وبعدين نشغل الشواية وناخد فى الفرن حوالى ربع ساعة لان المقدار قليل
ونحضر حلة فيها ماية سخنة عشان نعمل الجيلى ونحط اتنين كيس جيلى وتلت
معالق سكر ونضيف ماية باردة ونقلب ونحضر الصينية ونوزع شرايح الموز أو الفراولة
ونحط الجيلى ونسيبها فى التلاجة لحد متتماسك ونحضر صينية فيها ماية سخنة
ونحط فيها صنية الكيك هتطلع معاكى بكل سهولة
طريقة الحلويات السريعة
افضل طريقة لعمل الحلويات السريعة
طرق الحلوى السريعة
