الشابورة من انواع الكحك اللى ديما بنجيبها من محلات الحلويات رغم انها
سهله جدا وممكن نعملها فى البيت بكل سهوله لانها وجبة فطار صحيه
ومتكامله وممكن ناكلها مع كباية لبن بتكون جميله جدا لينا وللاولاد الصبح
وطريقتها هيا المكونات كوبايه ونص دقيق وتلت معالق لبن بودره ونص كوباية
مايه دافيه وكوبايه كبيره سكر بودره واربع بيضات ونص كوباية زيت ومعلقتين
صغيرين بكينج بودر ومعلقه كبيره ينسون ومعلقه صغيره فانيليا وكوبايه كبيره
سمسم حطى السكر والبيض فى طبق وقلبيهم جامد وحطى الزيت وانتى
مستمره فى التقليب وحطى البكينج بودر واليانسون والفانيليا وانتى بتحركى
لحد ما يتخلطو والسكر يدوب ضيفى الدقيق بالتدريج وانتى مستمره فى التقليب
لحد ماتحطى الدقيق كله ويصبح عجينه طريه وحطيها فى صنيه مدهونه زيت
ورشى عليها السمسم قبل ما تدخليها الفرن لحد ما تستوى وخرجيها قطعيها
صوابع ودخليها الفرن تانى تتحمص من كل الجوانب وتبقى لونها دهبى وبالهنا
طريقة عمل الشابوره
شابوره حلوه وسهله
طرق عمل شابوره
